Жетісу облысының Алакөл аудандық соты Экология және табиғи ресурстар министрлігіндегі Орман шаруашылығы және жануарлар дүниесі комитетінің «Алакөл мемлекеттік қорығы» РММ директоры Қ.Абылқасымовты, оның орынбасары Н.Бейсеновты және бөлім басшысы Р.Шалапановты соттады. Бұл туралы Kazinform агенттігі ҚР Сыбайлас жемқорлыққа қарсы іс-қимыл агенттігінің баспасөз қызметіне сілтеме жасай отырып хабарлады.
Ведомствоның мәліметінше, олар қызмет көрсететін аумақта заңсыз шөп шабғаны үшін әкімшілік жауапкершілікке тартпағаны үшін жергілікті тұрғындардан алдын ала сөз байласу арқылы адамдар тобынан бірнеше рет пара алғаны үшін кінәлі деп танылды.
Әбілқасымов пен Шалапановқа 10,5 млн теңге, Бейсеновке 15,7 млн теңге айыппұл салынды.
Осы үкіммен Алакөл ауданының тұрғындары О.Булгунчинов пен Қ.Қанағатов аталған лауазымды тұлғаларға пара бергені үшін тиісінше 6 млн теңге және 2,2 млн теңге мөлшерінде айыппұл салуға кесілді.
Бұдан басқа, сотталғандарға мемлекеттік қызметте және квазимемлекеттік сектор субъектілерінде қызмет атқаруға өмір бойы тыйым салынған.
Сот актісі заңды күшіне енді.
ҚР ҚК 41-бабына сәйкес айыппұл белгіленген мерзімде төленбеген жағдайда жазалау шарасы бас бостандығынан айыруға ауыстырылады.
Бұған дейін Түркістандағы ветеринарлық қызмет басшысы қызметкерлерден сыйақы талап еткені туралы хабарланған болатын.