Ақтөбе облысының әкімі Асхат Шахаров Ақтөбеде адамдарды кепілге алғаннан кейін әлеуметтік желілерде пост жариялады.
«Облыс орталығындағы қылмыскердің әрекеттері түнде қоғамда қызу талқылануда. Осы жағдай бойынша қылмыстық іс қозғалып, тергеу амалдары жүргізіліп жатқанын хабарлағым келеді. Құқықтық бағалауды уәкілетті органдар береді. Қазіргі таңда зардап шегушіге қажетті медициналық және психологиялық көмек көрсетілуде», — деп жазды аймақ әкімі Facebook-дағы парақшасында.
Ол әкімдік қаза болғандарды жерлеуге көмектесетінін, сондай-ақ күдіктіні ұстаған полиция қызметкерлеріне алғысын білдірді.