Airbus A321 ұшағын сүйрету кезінде шассидің тұмсығы зақымданған, деп хабарлайды Ozgeris.Info.
«Ақтөбе-Алматы бағыты бойынша КС866 рейсі алдымен 17 тамызға дейін кешігіп, кейін баламасыз тоқтады. Жолаушыларға билет құнын айыппұлсыз қайтару ұсынылды. Ұшақты жөндеу үшін оны жолаушы мінгізбей, Астанаға жеткізу туралы шешім қабылданды, алайда елордалық әуежайдың түнгі уақытта жабылуына байланысты әуекомпания рейсті 19 тамызға қалдыруға мәжбүр», — деп хабарлады компанияның баспасөз қызметі.
Ақтөбеде ұшақтың зақымдануы басқа ондаған рейстердің кешігуіне әкелгенін атап өту қажет.