ҚР Ақпарт және қоғамдық даму министрі Асқар Омаров Әзірбайжан Республикасы президентінің көмекшісі – Президент Әкімшілігі ішкі саясат бөлімінің жетекшісі Хикмет Гаджиев бастаған Әзірбайжан БАҚ саласының өкілдерімен кездесу өткізді.
Талқыланған басты мәселе – «Balapan», «Kazakh tv», «Хабар24» телеарналарын Әзірбайжан аумағында көрсету.
Министр қазақстандық нишалық телеарналардың Әзірбайжан аумағында хабар таратуын қамтамасыз ету үшін нақты шаралар қабылданатынын айтып, әзірбайжандық мамандарды Орталық Азиядағы ең ірі медиаоқиға – Astana Media Week шарасына шақырды. Әзірбайжан тарапы Қазақстанның БАҚ саласындағы, оның ішінде анимация өндірудегі тәжірибесіне қызығушылық танытып, шараға қатысуға ниетті екендіктерін жеткізді.
Қазіргі уақытта «Қазақстан» телерадиокорпорациясына қарасты «Balapan» арнасынан көрсетілетін контенттің 80%-ын анимациялық жобалар құрайды.