Қазақстан президенті Қасым-Жомарт Тоқаев қауіпсіздік кеңесінің отырысында бірқатар ескертулер жасады, деп хабарлады мемлекет басшысының кеңесшісі – баспасөз хатшысы Руслан Желдібай.
«Мемлекет басшысы Қазақстан Республикасының қауіпсіздік кеңесінің отырысын өткізді. Жиын барысында барлық салалық ведомстволарға қатысты сын айтылған мазмұнды әңгіме болды. Президент экстремизм мен терроризмге қарсы күресті күшейту, сондай-ақ ұлттық қауіпсіздіктің барлық аспектілерін нығайту үшін үйлесімді әрі бірлескен жұмысты арттыру қажеттігін атап өтті», – деді Желдібай сейсенбі күні.
Тоқаев осы бағыттардағы жағдайды талдап, жұмысты «Заң және Тәртіп» тұжырымдамасы негізінде ұйымдастырудың аса маңызды екенін атап өтті.
«Президент азық-түлік және экологиялық қауіпсіздікті қамтамасыз ету, сондай-ақ халықты алаңдатқан мәселелерді шешу үшін цифрлық құралдар мен жасанды интеллектіні дамыту өзекті екенін ерекше атап өтті. Мемлекет басшысы үкіметке бүкіл қоғамның мүддесі үшін Әділетті Қазақстан құру бағдарламасын жүзеге асыруға күш салуды тапсырды», – деп қосты Желдібай.
АҚПАРАТ КАЗТАГ АГЕНТТІГІНЕН АЛЫНҒАН