Танымал тележүргізуші Дана Нұржігіт сұхбат барысында продюсер Баян Алагөзованың қазақ тілінде сөйлемейтініне қатысты пікір білдірді.
«Егер сен қазақшаға бет бұра бастасаң, «әне Баян сөйлеп жатыр ғой, әне Баян тілін сындырып жатыр ғой»,- дейді, мен соған қатты қынжыламын», – деді Дана Нұржігіт.
Баян Алагөзова бұл пікірге жауап беріп, қазақ тілінде сөйлемеу оның қазақ мәдениеті мен тіліне үлес қосуына кедергі емес екенін айтты.
«Дана, бұл жерде қандай трагедия бар? Маған орыс тілінде сөйлеген ыңғайлы, мен орысша ойлаймын, орысша сөйлеймін. Бірақ бұл маған «Қазақ арулары», «Қазақтың қыздары» жобаларын жасауға, «Ризамын» әнін шығаруға, «Бақыт» фильмін қазақша түсіруге кедергі емес. Жақсы, мені қазақша сөйлемегенім үшін сынайтын адамдар, ал сен қазақ тілін дамыту үшін не істедің?» – деді продюсер.