Елімізде Ricochet атты жаңа баспа ашылды. Ол орыс тіліндегі өзекті кітаптарды шығарумен айналысады. Алайда бұл баспаның алғашқы жариялаған еңбектері Қазақстан қоғамында қызу пікірталас тудыруы мүмкін.
Ricochet алғашқы басылымдарының бірі – тарихшы Сергей Бондаренконың «Потерянные в памяти: общество „Мемориал“ и борьба за прошлое в России» атты кітабы. Онда Ресейдегі «Мемориал» қоғамының қызметі мен саяси қуғын-сүргін тақырыбы көтерілген. Қазақстанда бұл мәселе өзекті болғанымен, шетелдік көзқарастың басым болуы күмән тудырады.
Сондай-ақ баспа тарихшы Рустам Александердің «Закрытые. Жизнь гомосексуалов в Советском Союзе» атты кітабын шығарды. Кеңес дәуіріндегі гомосексуалдардың өміріне арналған бұл зерттеу посткеңестік елдерде әртүрлі реакция тудыруы мүмкін. Ал жақында сатылымға шығатын Саша Казанцеваның «Сам секс. Как обсуждать, получать и доставлять удовольствие» кітабының мазмұны да Қазақстан қоғамында қабылдана қоюы екіталай.
Ricochet-тің бағыты мен таңдаған тақырыптары Қазақстандағы дәстүрлі көзқарастарға қаншалықты сәйкес келеді? Бұл баспа шынайы білім таратуға үлес қоса ма, әлде қоғамда кезекті даулы пікірталастар туындата ма?