Білім және ғылым министрі Асхат Аймағамбетов халықтың тілдік дағдыларын өлшейтін халықаралық рейтингтер туралы түсіндірді. Ол бұл ақпаратты өз жеке телеграм арнасында мәлімдеді, деп хабарлайды Ozgeris.info порталы.
«Жақында мен халықтың тілдік дағдыларын өлшейтін халықаралық рейтингтер туралы жазып едім. Бұл жазбаның мән-мағынасы Қазақстанның орнын көрсету немесе міндетті түрде елдің жетістіктеріне назар аудару емес еді.
Дегенмен осы жазбаның астындағы пікірлер оқырманның көпшілігі басқаша түсінгенін, көбінесе Қазақстанның IELTS нәтижелері туралы ақпаратты ғана оқығанын көрсетті. Бірақ мен халықтың тілдік дағдыларын бағалайтын бірнеше рейтингтің диаметральді қарама-қарсы нәтижелерін арнайы көрсетуге тырыстым. Мақсат осы рейтингтердің әдістемесін түсіндіру болды.
Олардың қандай критерийлер негізінде қалыптасатынын, әрбірінде авторлық әдістеме бар екенін және кейде олардың атауларын немесе қорытындыларын оқығанда бұл рейтингтердің біздің түсінгенімізден әлдеқайда басқаша болатынын көрсету маңызды болды. Сол себепті әдістемені түсіну және көру маңызды екенін тағы да еске салғым келеді», деді Білім министрі.
Ozgeris.info порталы