Tiktok әлеуметтік желісінде гимннің даусын ести сала ұйқысынан тұрып, әнұранға құрмет көрсеткен бүлдіршіннің видеосы жұртты сүйсіндірді. Бұл туралы KAZ.NUR.KZ хабарлайды.
Tiktok әлеуметтік желісінде әнұранның дауысын ести сала, ұйқысынан атып тұрып, қолын жүрегіне қойған бүлдіршіннің видеосы көпшілікті сүйсінтті.
«Кейінгі ұрпақтарымыз осындай елін сүйер патриот болсын», «Әлия, Мәншүк Мәметова сияқты қыз болады-ау», «Осындай ұрпақ көп болса, еліміздің болашағы жарқын», «Елім деп соққан жүрегіңнен», — деп жазды желі қолданушылары.
TURKISTAN телеарнасының мәліметінше, еліміздің ең кішкентай патриоты – Медина Қанағат Түркістанда тұрады.
Медина ұйқысынан тұрып, патриоттық сезімін білдірген сәттің әлеуметтік желіде видеосы тараған.
2 жастағы Медина есімді бүлдіршін балабақшаға барады екен. Ал видеоны таңертең анасы түсірген көрінеді.
Ата-әжесінің айтуынша, Мединаның патриоттығы әкесіне ұқсаған. Әкесі талай спорттық жарыстарда топ жарған азамат екен.
«Бір жастан асқан уақытында көк туды көрсетіп, әнұрында қойып бер дейтін. Жүрегіне қолып, қойып билейтіні де бар», — дейді Мединаның әжесі.