Сирия премьер-министрі билікті бүлікшілерге бейбіт жолмен беруге дайын екенін мәлімдеді. БАҚ президент Башар Асадтың елден беймәлім бағытта кеткенін хабарлайды.
Бүлікшілер Дамаскіге кіргенін, ал президент Башар Асадтың Сириядан қашқанын айтады. Бұл 27 қарашада басталған бүкіл ел бойынша найзағайлы шабуылдың шарықтау шегі.
Al Jazeera арнасы үкіметтік күштер елорданы тастап кеткенін хабарлайды.
Премьер-министр Мұхаммед Гази Әл-Джалали елдегі билікті бейбіт жолмен беруге дайын екенін мәлімдеп, Сирия үкіметі көтеріліс күштерінен қауіпсіздік кепілдіктерін алғанын айтты.
Араб басылымдары бүлікшілердің сөздерін келтіре отырып, Башар Асадтың сенбі күні кешке ұшаққа мініп, Сириядан белгісіз бағытқа кетіп қалғанын хабарлайды.
Al Jazeera хабарлағандай, сириялық бүлікшілер астананы басып алғанға дейін Дамасктан ұшып шыққан соңғы рейс Syrian air 9218 рейсіндегі Ил-76 ұшағы болған. Ұшуларды қадағалаудың ашық дереккөздерінің деректері бойынша, борттың сигналы ұшып көтерілгеннен кейін — көтерілістердің ұстап тұрған Хомс қаласының үстінен жоғалып кеткен.
Жексенбі күні таңертең сириялық әскердің қолбасшылығы әскерилерге Асадтың 24 жылдық билігі аяқталғанын хабарлады.
Соңғы екі аптаның ішінде Сирия билігі одақтастарынан күткен қолдауды ала алмады.
Ресей өз күштерінің басым бөлігін Украинаға шоғырландырды, ал Ливанда орналасқан «Хезболла» Израильмен бір жылдық қақтығыспен әлсіренді. Алайда, Башар Асад Мәскеуге келді, Ресей оған баспана берді, деп хабарлады ТАСС Кремлдегі дереккөзге сілтеме жасай отырып. Ол отбасы мүшелерімен бірге келді.
Осыдан 12 күн бұрын басталған көтеріліс нәтижесінде оппозиция жауынгерлері Алеппо мен Хомс қалаларын да басып алды.
Сирия демократиялық күштерінің (СДС) бас қолбасшысы Мазлум Абди Сирияның «тарихи сәт» пен авторитарлық режимнің құлдырауын бастан кешіп жатқанын мәлімдеді.
«Бұл өзгерістер — демократияға және әділеттілікке негізделген, барлық сириялықтардың құқықтарына кепілдік беретін жаңа Сирияны құру мүмкіндігі», — деп жазды АҚШ қолдап отырған күрд күштерінің қолбасшысы X. желісіндегі өз постында.
Оппозициялық күштердің әскери қолбасшылығы осы тарихи сәтте «революциямыздың және халқымыздың ең үздік бейнесін көрсету үшін бәріміз бірігіп, ынтымақтасуымыз қажет» деп мәлімдеді.
Ол құлатуға дайындалып жатқан барлық күштерге мынадай нұсқаулар берді:
- Ешқандай жағдайда да ауаға оқ атуға үзілді-кесілді тыйым салынады, өйткені бұл бейбіт халық арасында дүрбелең тудырып, жазықсыз адамдардың өміріне қауіп төндіреді.
- Қоғамдық институттар мен меншікке араласуға тыйым салынады, өйткені олар халықтың заңды меншігі болып табылады. Оларды қорғау және сақтау, сондай-ақ олардың дамуына көмектесу біздің парызымыз.
- Жеке меншiкке қол сұғуға немесе оған кез келген нысанда зиян келтiруге тыйым салынады.