Алматылықтар полиция қызметкерлеріне қойылған хаттама жоспары туралы жаңа бейнежазба ұсынды. Видеоға сәйкес, рация арқылы әр экипажға күніне кемінде бес хаттама толтыру тапсырмасы берілген, деп хабарлайды ozgeris.info.
Бұл жағдай қоғамдық пікір туғызды, себебі бұл алғаш рет жарияланып отырған жайт емес. Бұған дейін желіде ішкі істер органдары басшылығының аудиожазбасы тараған еді, онда да хаттама жоспары туралы айтылған болатын. Алайда сол кезде ҚР Ішкі істер министрлігінің баспасөз қызметі бұл жазбаны жоққа шығарған болатын.
Алматылық тұрғындардың бұл бейнежазбасы қоғамдық талқылаулар мен түрлі пікірлер тудыруда. Жұртшылық полицияның мұндай тапсырмаларына наразы.