Танымал тележүргізуші Динара Сәтжан өзінің Facebook парақшасында алаяқтың құрбаны болғанын айтып берді, деп хабарлайды ozgeris.info.
Оның айтуынша, ол адамдарды жақсы түсінеді деп ойлаған, бірақ бұл жағдай керісінше екенін дәлелдеді.
«Алаяқтар жылы. Мен адамдарды жақсы танитыныма 100% сенімді едім. Алдымда тұрған адамның қандай екенін түсіну үшін маған 10 минут жеткілікті деп ойлайтынмын. Бұлай сенімді болуға болмайды. Қандай сақ адам болсаң да, алаяқтың құрбаны болуың мүмкін. Мен жалғыз емеспін. Соңғы кездері достарымнан оларды алдап кеткені, жақындарының өзі сатып кеткені жайлы оқиғаларды көп естідім. Кинопродюсерлер, стилистер, байерлер, фотографтар. Ешкім алаяқтардан сақтандырылмаған»,-деп жазды Сәтжан.
Тележүргізуші алаяқтардың белгілі адамдар арасында жиі болып, олармен суретке түсіп, басқаларды алдау үшін өздеріне «портфолио» жасайтынын атап өтті. Ол адамдарды сақ болуға және бір қарағанда сенімді таныстарына сенбеуге шақырады.
«Олар эмоцияңмен «ойнайды», керемет нәтижелерді уәде етеді. Өзіне портфолио жасап, сіздің араласатын ортаңызда жүреді. Әдетте, олардың инстаграмында танымал әлі беделді адамдармен түскен суреттер болады. Олардың ісі сол: суретке түседі, басқаның ақшасын жұмсайды және жаңа құрбан іздейді. Шулы жерде әрекет етеді. Төлемді үнемі асықтырады. Онымен тек маңызды адамдар жұмыс істейтінін айтады. Тездетіңіз, әйтпесе қазір бәрін жоғалтып аламыз дейді»,-деп бөлісті жүргізуші.