Талғар қаласының әкімі мен оның орынбасары қызметтен кетті, деп хабарлайды ozgeris.info тілшісі.
Бұл туралы 2024 жылғы 15 қазанда Талғар ауданы әкімдігінің хабарламасында белгілі болды.
Талғар қаласының әкімі Күрішбеков Бахыт Куатбекович, Талғар қаласы әкімінің орынбасары Матан Сағындық өз міндеттерін тиісті деңгейде атқармағаны үшін атқарып отырған лауазымдарынан босатылды, — деп жазылған ресми ақпаратта.
Басқа лауазымдағы қызметкерлердің жауапкершілік деңгейі пысықталуда.
Күрішбеков Талғарды 2022 жылдың жазынан бері басқарып келеді. Сайлау алдында «Аманат» партиясы Талғар аудандық филиалының жауапты хатшысы қызметін атқарған.