Жаңа адамдардың «Заң» азаматтық науқаны кәмелетке толмағандарға ішімдік сатумен күреседі. Әдетте Заң белсенділері қаладағы сауда орындарына рейдтерге шығып, тексеріс сатылымдар жасап, сатушыларды жауапкершілікке тартады.
Алайда олар бұл жолы Астана көшелерінде әлеуметтік эксперимент жүргізуді жөн көрген.
Айтуларынша, бұл эксперимент нәтижесі мәселенің тек сатушыларда емес екенін көрсетті.
«Астана көшелерінде жасөспірім өтіп бара жатқан жүргіншілерден ішімдік сатып алып беруін сұрады. Зерттеу нәтижелері көңіл көншітпеді. Әр үшінші адам баланың өтінішін орындауға келісім берді. Олардың басым бөлігі жақсылық жасап жатырмыз деп, өз айыбын түсінбеді. Өздері тигізіп жатқан зиян туралы ойламай, балаларға ішімдік сатып алып берді. Шын мәнінде, олардың дүкендерде кәмелетке толмағандарға ішімдік сататындардан еш айырмашылығы жоқ.
Бұл оқиғалардағы шын құқықбұзушы кім? Біз күн сайын түрлі келеңсіздіктердің куәгері ғана емес, кейде сыбайласымыз да болып кетеміз. Әділетті елде өмір сүруге деген ықылас өзімізден, заңға деген құрметімізден басталуы керек.
Біздің эксперименттегі айрықша ерекшелік — балаға ішімдіктің орнына жеміс шәйін сатып алып берген адам болды. Ол мұны әке ретінде балалардың, өзінің де, басқаларының да ішімдік ішкенін қаламайтынымен түсіндірді. Мұндай жағдайлар сирек кездеседі, бірақ олар біздің арамызда бәріміз үлгі аларлық адамдар бар екенін көрсетеді», — дейді жастар қозғалысының өкілдері.
Посмотреть эту публикацию в Instagram