Бала құқықтары жөндегі уәкіл Динара Зәкиева Ақтөбе облысындағы 14 жастағы қызға байланысты ақпарат айтты, деп хабарлайды ozgeris.info тілшісі Azattyq Rýhy сайтына сілтеме жасап.
«Аталған факті бойынша сотқа дейінгі тергеу жүрп жатыр. Ақтөбе облысының өңірлік бала құқықтары жөніндегі уәкілі баланың анасымен байланысқа шығып, кездесетін болды. Істі қайта саралау және бұлтартпау шарасын өзгертуді қарау мәселесімен прокуратураға жүгіндім», — дейді Зәкиева.
Осы мәселе бойынша редакция облыстық полиция департаментіне жүгініп, іс бойынша ақпарат сұрады.
«Полиция департаменті бопсалау және зорлық-зомбылық фактілерін тіркеп, сотқа дейінгі тергеп-тексеру өткізіп жатыр. Іс бойынша процесстік прокурор тағайындалды, ол тергеуге қатысып жатыр. Екі күдікті анықталып, ұсталды және уақытша ұстау изоляторына қамалды. Санкциялық шара тағайындау кезінде сот күдіктілердің жеке басының мінездемесін, бұрын сотталмағанын, кәмелетке толмаған балаларының және тұрақты мекенжайының болуын ескере отырып, үй қамағында ұстау туралы шешім қабылдады. Қажетті сараптамалар тағайындалды», — деп хабарлайды облыстық полиция.
Қылмыстық істі тергеу барысы полиция департаменті басшылығының бақылауында.
Еске салсақ, құқық қорғаушы Дина Таңсәрі 23 қыркүйекте болған жағдайды айтып берген еді. Ақтөбе облысында жеке қалған кезде жеңгесіне 14 жастағы жасөспірім сырын ақтарған. 26 жастағы және 20 жастағы туыс ағасы оны 8 жасынан бастап зорлаған.