Жақында ғана екі дүркін әлем чемпионы атанған Ризабек Айтмұхан 23 жасқа дейінгілер арасында Албанияда өтетін әлем чемпионатына қатысады, деп хабарлайды Ozgeris.info.
Еркін күрестен қазақтан шыққан тұңғыш әлем чемпионы Ризабек Айтмұхан бастаған еркін күрестен Қазақстан құрамасы Албанияда өтетін әлем чемпионатында бақ сынайды. 8-23 қазан аралығында өтетін байрақты бәсеке ел намысын қорғайтын спортшылардың тізімін назарларыңызға ұсынамыз:
- 57 келі. Алан Оралбек
- 61 келі. Әділет Әлмұхамедов
- 65 келі. Бекзат Ермекбай
- 70 келі. Ернұр Нұрғазы
- 74 келі. Әлі анықталу үстінде
- 79 келі. Жеңіс Қаныбеков
- 86 келі. Нұржан Исағалиев
- 92 келі. Бекзат Аманғалиев
- 97 келі. Ризабек Айтмұхан
- 125 келі. Омархан Надиров
Айта кетейік, Ризабек Айтмұхан Испанияның Понтеведра қаласында 20 жасқа дейінгі спортшылар арасында өткен әлем біріншілігінде қарсылас шақ келтірмей, топ жарған еді.