Актер Алмат Сақатов әлеуметтік желідегі парақшасында Мақпал Жүнісоваға қатысты өз ойын айтты, деп хабарлайды Ozgeris.info тілшісі.
«Менен Мақпал апай жайында не айтасыз деп сұрайды. Мықты адам. Ол кісінің көтерген жүгін сен көтере алмайсың. Ол кісінің көргенін сен көрген жоқсың. Қазақтың ерке қызы еркелеп әңгіме айтқан шығар. Ал ол кісіні сөгіп, оған баға беретіндей біз кімбіз? Ертең дүниеден өтіп кетсе мақтайсыздар ғой. Ойпырмай, жақсы кісі еді деп істеген істерін айтасыздар. Сондықтан да өнерде үлкен орны бар, қазақ десе ішкен асын жерге қоятын мықты жан. Сіздердің ойларыңыз өздеріңізде», — деді ол.
Актер осы оқиғаға қатысты ақтөбелік ақынның өлең жолдарын мысалға келтірді.
«Тірінің қамын тірі жер,
Тірілер бірін-бірі жер.
Тірлікте қашқан қадірің
Өлгенде ғана білінер», — деп актер ақын Ершат Қайболдиннің өлеңін мысалға келтірді.
Ал Сақатовтың оқырмандары болса, бұл сөзіне түрлі пікір жазды.
Watch on TikTok