Қазақстандық еркін күрескер Ризабек Айтмұхан Понтеведрада (Испания) өткен U20 әлем чемпионатының жеңімпазы атанды, деп хабарлайды ozgeris.info тілшісі Olympic.kz сайтына сілтеме жасай отырып.
Ризабек 97 килограммға дейінгі салмақта үздік атанды.
Финалда ол Хетаг Карсановқа (Әзірбайжан) қарсы сайысқа түсті. Ең басында басымдыққа ие болды. Нәтижесінде біздің спортшы мерзімінен бұрын жеңіске жетті — 10-0.
Айта кетейік, өткен жылы Айтмұхан ересектер арасындағы әлем чемпионатында алтын жеңіп алған болатын. Ол 92 килограммға дейінгі салмақта жеңіске жетті.