Алакөл көлінің жағасынан 40 шақырым жерде сегіз адам мінген қайықтың қозғалтқышы істен шығып, демалушылар өз бетінше жағаға орала алмаған, — деп хабарлайды Ozgeris.Info тілшісі ТЖМ баспасөз қызметіне сілтеме жасап.
Құтқарушылар туристерге көмекке келді.
«ТЖМ қызметкерлері оларды өз қайықтарымен жағаға шығарып, құтқарды. Туристерге медициналық көмек қажет емес», — деп хабарлады ТЖМ.
Құтқарушылардың бірінің сөзінше, туристер жағаға екі қайықпен шығарылды, ал олардың моторлы қайығы көлде қалды.