Бұрынғы Цифрлық даму, инновациялар және аэроғарыш өнеркәсібі министрі Бағдат Мусин «Қазақтелеком» АҚ Басқарма төрағасы болып тағайындалды.
“ҚазТАГ редакциясына Бағдат Мусиннің «Қазақтелеком» АҚ басшысы болғаны туралы ақпаратпен таныс дереккөзі растады”, – деп хабарлады ҚазТАГ басылымы.
Еске салайық, бұған дейін «Қазақтелеком» АҚ 2010 жылдың наурызынан бастап бүгінгі күнге дейін Қуанышбек Есекеев басқарды. Ол Мемлекет басшысы қаулысымен Президент кеңесшісі лауазымына тағайындалды.
Бағдат Мусин Цифрлық даму, инновациялар және аэроғарыш өнеркәсібі министрлігін 2020 жылдың қыркүйегінен бастап басқарды. 2024 жылы 30 сәуірде президент Қасым-Жомарт Тоқаев оны қызметінен босатты.