Сенат алаңында журналистер Астана күні қарсаңында Астананың атын өзгерту жоспары бар ма деп сұрады. Сауалға Сенат депутаты Бибігүл Жексенбай жауап берді.
«Менің ойымша, мұндай атауларды өзгерту күтілмейді, кем дегенде, маған ақпарат берілмеген. Қазір депутаттардың алдында ауқымды, салмақты және пайдалы міндеттер тұр. Сондықтан болмайды деп ойлаймын «, — деп атап өтті сенатор Бибігүл Жексенбай.
Айта кетейік, Қазақстанның қазіргі елордасы бірнеше рет қайта аталды. Қала бұрын Ақмола, Целиноград, Ақмола деп аталды. 1997 жылы Қазақстанның экс-президенті Нұрсұлтан Назарбаев елорданы Алматыдан сол кездегі Ақмолаға көшіру туралы шешім қабылдады, жаңа елорданы 1998 жылы ресми түрде таныстырды. 1998 жылы 6 мамырда Ақмоланың аты Астана болып өзгертілді. 2019 жылы елорданы Нұр-Сұлтан деп атау ұсынылды, 2022 жылы қалаға бұрынғы Астана атауы қайтарылды.