26 мамырда астаналық Назарбаев Зияткерлік мектебінің оқушысы көптеген пышақ жарақаттарымен ауруханаға түсті.
Ғаламторда жазғандай, жәбірленуші 12-сынып оқушысы, оның іші, мойны, жамбасы және қолдарынан пышақ жарақаттары бар. Полиция Zakon.kz тілшісіне 18 жастағы қызды өлтіруге оқталу дерегі бойынша қылмыстық істі тергеуді бастағанын айтты.
«Қазір кәмелетке толмаған күдікті ұсталып, уақытша ұстау изоляторына қамалды, барлық қажетті сараптамалар тағайындалып, сотқа дейінгі тергеу амалдары жүргізілуде», — деп хабарлады елордалық полиция.