2024 жылдың 30 мамырынан бастап China Southern Airlines Астана-Үрімші бағыты бойынша рейстер санын аптасына 3 рейске дейін арттыруды жоспарлап отыр, деп хабарлайды Қазақстан Республикасы Көлік министрлігінің баспасөз қызметі. Қазір ол аптасына 2 рейс жасайды.
Ұшулар Boeing 737 (сыйымдылығы 128-ден 178 орынға дейін) ұшақтарында орындалады. Елдер арасындағы рейстердің жалпы саны аптасына 27-ден 43 рейске дейін артады.
«Қазақстан мен Қытай арасындағы рейстер санының артуы елдер арасындағы туризм, мәдени, инвестициялық және іскерлік ынтымақтастықты одан әрі дамытуға, сондай-ақ халықаралық әуе тасымалы нарығындағы бәсекелестікті дамытуға және әуе билеттерінің бағаларының төмендеуіне ықпал етеді.», — делінген ведомство хабарламасында.