Абай облысында «Таза Қазақстан» республикалық экологиялық акциясы аясында сенбіліктер жалғасуда. Өңірдің қалалары мен аудандарында көгалдандыру және жинау, ағаштарды күту жұмыстары жүргізілуде.
Акцияға мемлекеттік және жеке мекемелер, қоғамдық ұйымдар, студенттер, оқушылар және т.б. қатысады. Облыс әкімі Нұрлан Оранхаев азаматтарды осы бастамаға белсене қатысуға және өңірдің тазалығына өз үлестерін қосуға шақырды.
«Облыстың барлық тұрғындары Мемлекет басшысының бастамасын қолдайды. Қазір әр аудан мен қалада сенбіліктер өткізілуде. Акция аясында қоғамдық орындарда көшелерді, жол жиектерін, қоқыстарды жинау, абаттандыру жұмыстары және басқа да санитарлық шаралар жүргізіледі. Бүгін Семей аумағында 28 560 ағаш отырғызылды «, — деді аймақ басшысы.