Бірнеше қылмыс жасағаны үшін мемлекетаралық іздеуде болған Тәжікстан азаматы Өскеменде ұсталды.
Құқық қорғау органы қызметкерлері Өскемендегі жалдамалы пәтерлердің бірінде жедел-іздестіру шараларын жүргізу барысында шетелдік қылмыскерді ұстады. 25 жастағы тәжікстандық бір жылдан астам уақыт бойы алаяқтық пен ұрлық жасағаны үшін іздестіруде болған.
![іздеуде жүрген іздеуде жүрген](https://img.inform.kz/kazinform-photobank/media/2024-02-26/4ee042dd-dfc7-41aa-97f6-51f721020a92.jpeg)
«Қазіргі уақытта ер адам уақытша ұстау изоляторына қамалды. Тәжікстан Республикасындағы әріптестерге қылмыскердің орналасқан жері туралы хабарлама жіберілді. Оны экстрадициялау мәселесі қарастырылуда», — деп хабарлады облыстық Полиция департаментінің баспасөз қызметі.
Жыл басынан бері ШҚО ПД қызметкерлері іздестіруде жүрген 20-ға жуық қылмыскерді ұстаған.
Фото: Виктор Федюнин / Kazinform
ПІКІР ЖАЗУ