Тағы бір петиция E-Petition.kz порталында 50 мың қол жинады. Бұл туралы Мәдениет және ақпарат министрлігі хабарлады.
Сайтта жарияланған «Біз ҚР-да ЛГБТ-ны ашық және жасырын насихаттауға қарсымыз» петициясы 50 мың қол жинады. Бұл петицияны үкімет деңгейінде қарау үшін жеткілікті.
«Мәдениет және ақпарат министрлігі петицияны қарауға қабылдады. Петицияны қарау мерзімі оны тіркеген сәттен бастап 40 жұмыс күнін құрайды. Министрлік мүдделі тараптардың, мемлекеттік органдар мен қоғамдық бірлестіктердің өкілдерін қамтитын жұмыс тобының қызметін ұйымдастырады», — деп хабарлады Мәдениет министрлігінің баспасөз қызметі.
Олар петицияны қарау процесі заңнама талаптарына сәйкес жүргізілетінін қосты.
Айта кетейік, бұған дейін Қазақстанда кәдеге жарату алымы және бұрынғы уақыт белдеуін қайтару мәселелері бойынша 50 мыңнан астам дауыс жинаған болатын.
Естеріңізге сала кетейік, сәуір айының басында Мәжіліс депутаттары «Бұқаралық ақпарат құралдары туралы» заң жобасына түзетулер енгізуге бастамашы болған болатын. Түзетулер қабылданған жағдайда қазақстандық БАҚ-тар олардың қызметін жабу немесе тоқтата тұру қаупін төндіруі мүмкін.
Кейінірек мәжілісмендер Қазақстанда ЛГБТ насихаттағаны үшін қылмыстық жауапкершілікті енгізуді ұсынды. Оны әлеуметтік, ұлттық, рулық, нәсілдік, тектік немесе діни араздықты қоздырумен теңестіргісі келді.
17 сәуірде Мәжіліс депутаттары екінші оқылымда БАҚ жұмысын реттейтін «Бұқаралық ақпарат құралдары туралы» заңды қабылдады. Сол кезде мәдениет және ақпарат вице-министрі Қанат Ысқақов депутаттардың ЛГБТ насихаттауға қатысты ұсыныстары қорытынды құжатқа кірмегенін хабарлады.