Telegram желісіндегі Сырым Иткуловтың арнасында Жезқазған қаласындағы ауызсу мәселесіне қатысты видео жарияланды, деп хабарлайды Ozgeris.info тілшісі.
Кадрларда краннан сарғылт, лай судың ағып жатқанын байқауға болады. Жергілікті тұрғындардың айтуынша, мұндай жағдай жиі қайталанады, ал сапалы ауызсуға қол жеткізу жылдан жылға қиындап барады.
«Бұл – Жезқазғандағы су. Қаланың 30 жыл ішінде мүлде өзгермегенін көрсететін көрініс.» – дейді Сырым Иткулов.
Жезқазған жұрты бұл мәселенің шешілуін талап етіп отыр. Ал жауапты органдардан әзірге нақты түсініктеме берілген жоқ.