1 ақпанда 169 мыңнан астам адам 2,3 млрд теңге көлемінде атаулы әлеуметтік көмек алды, деп хабарлады Еңбек және халықты әлеуметтік қорғау министрлігінің баспасөз қызметі.
АӘК аясында:
- табысы кедейлік шегінен төмен азаматтарға тоқсан сайын әлеуметтік көмек тағайындалады;
- 1 жастан 6 жасқа дейінгі аз қамтылған отбасылардың балаларына ай сайын 1,5 АЕК мөлшерінде қосымша төлем беріледі;
- жұмысқа орналасуға жәрдемдесу, гранттар ұсыну, біліктілікті арттыру курстарына жолдау қарастырылған.
Қазақстандықтар АӘК тағайындауға өтінішті жұмысқа орналасуға жәрдемдесу орталығына, ауылдық округ әкімдігіне немесе электрондық үкімет порталы (egov.kz) арқылы бере алады.
2025 жылғы 1 қаңтардан бастап Қазақстанда кедейлік шегі өңірлік медиандық кірістің 35%-ы деңгейінде белгіленді, бірақ ол өңірлік ең төменгі күнкөріс деңгейінің 70%-ынан кем болмауы тиіс.