Париждегі Олимпиада ойындарына арналған Қазақстан құрамасының дизайнын таңдау бойынша конкурс аяқталды, деп хабарлайды ҚР Туризм және спорт министрлігінің Спорт және дене шынықтыру істері комитеті.
Комиссия үш номинация бойынша жеңімпаздарды анықтады:
«Спорттық форма» — ЖК Health & Sport;
«Салтанатты спорт формасы» — «Эксклюзив Студио» ЖШС;
«Ту ұстаушыларға арналған спорттық форма» — «Эксклюзив Студио» ЖШС.
Конкурсқа қатысу үшін эскиздерді 15 үміткер жіберді. Комиссия құрамына 18 адам, оның ішінде туризм және спорт министрлігінің, сондай-ақ Ұлттық Олимпиада комитетінің қызметкерлері, БАҚ өкілдері және қазіргі спортшылар кірді.
«Барлық таңдалған эскиздер қатысушылардың пікірін ескере отырып әзірленді және спорттық киімнің жоғары стандарттарына сай келеді», — деп атап өтті ведомстводан.