Ақтауда 17 жастағы жігіт лифтіде 5 және 13 жастағы қыздарға тиіскен, деп хабарлайды Ozgeris.info порталы “НеМолчи.kz” қорына сілтеме жасап.
Қыздардың анасының айтуынша, бұл жағдай 11 қазанда болған екен. Жігіт қыздарды кіреберісте күтіп тұрған, содан кейін олармен бірге лифтке кірген. Лифт ішінде жігіт үлкен қызын ұстай бастаған. Артынша қыздар көшеге жүгіріп шығып, құтылған.
Облыстық полиция оқиғаға қатысты түсініктеме берді. Ведомство оқиғаны растады. Кәмелетке толмаған күдікті ұсталып, полицияға жеткізілді. Сексуалдық сипаттағы іс-әрекеттер факті бойынша қылмыстық іс қозғалды. Қазіргі уақытта оқиғаның мән-жайын анықтау бойынша тергеу шаралары жүргізіліп жатыр.